#МУЖДАИ НАВ. МОНОГРАФИЯИ ДАСТАҶАМЪОНАИ МАКТАБИ ИЛМИИ АКАДЕМИК ҚОБИЛҶОН ХУШВАХТЗОДА БАХШИДА БА 35 – СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН БА НАШР РАСИД

Бахшида ба 35 – солагии Истиқлолияти давлатии Ҷумҳурии Тоҷикистон Монографияи дастаҷамъонаи мактаби илмии академик Хушвахтзода Қобилҷон Хушвахт аз чоп баромад.

Мавриди зикр аст, ки мактаби устоду шогирд яке аз масъалаҳои муҳиме мебошад, ки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо аҳли илм ва маорифи кишвар, ки 30 апрели соли 2024 баргузор гардид, ба он таваҷҷуҳи хосса зоҳир намуда, нақши устодонро дар тарбияи насли ҷавон, омода намудани кадрҳои баландихтисос ва рушди илми миллӣ муҳим арзёбӣ намуданд.

Монографияи мазкур маҳз дар заминаи чунин анъанаи неки илмӣ — идомаи таҷрибаи устод аз ҷониби шогирдон ва рушди минбаъдаи мактаби илмӣ таҳия гардида, фаъолияти илмӣ-тадқиқотӣ, дастовардҳо ва саҳми намояндагони мактаби илмии академик Қобилҷон Хушвахтзода дар рушди илм ва омода намудани мутахассисони ҷавонро инъикос менамояд.

Бояд гуфт, ки зери роҳбарии академик Хушвахтзода Қобилҷон Хушвахт 28 нафар муҳаққиқ рисолаҳои илмии худро ҳимоя намудаанд, аз ҷумла 9 нафар рисолаи докторӣ ва 19 нафар рисолаи номзадӣ. Дастоварди мазкур аз фаъолияти самараноки илмӣ ва роҳнамоии пайвастаи устод дар самти омода намудани кадрҳои баландихтисос ва ташаккули мактаби илмии устувор шаҳодат медиҳад.