ТАРИФҲОИ НЕРУИ БАРҚ ВА ГАРМӢ

              ҚАРОРИ

                    ҲУКУМАТИ ҶУМҲУРИИ ТОҶИКИСТОН

               аз 29 декабри соли 2025, № 709, ш. Душанбе

       Дар бораи тарифҳои неруи барқ ва гармӣ

            Мутобиқи моддаи 9 Қонуни Ҷумҳурии Тоҷикистон «Дар бораи инҳисороти табиӣ»

            ва моддаи  ва моддаи57 Қонуни Ҷумҳурии Тоҷикистон  «Дар бораи санадҳои меъёрии ҳуқуқӣ»

              Ҳукумати Ҷумҳурии Тоҷикистон қ а р о р  м е к у н а д:

1. Тарифҳои неруи барқ, ки аз ҷониби Ҷамъияти саҳомии кушодаи «Шабакаҳои тақсимоти барқ» ба истифодабарандагон тақсим мешавад, тасдиқ карда шаванд (замимаи 1).
2. Тарифҳои неруи барқ барои истеҳсол ва интиқол, ки аз ҷониби Ҷамъияти саҳомии кушодаи «Барқи Тоҷик» ва Ҷамъияти саҳомии кушодаи «Шабакаҳои интиқоли барқ» ба ҷамъияти саҳомии кушодаи «Шабакаҳои тақсимоти барқ» интиқол дода мешавад, тасдиқ карда шаванд (замимаи 2).
3. Тарифҳои неруи гармӣ, ки аз ҷониби Ҷамъияти саҳомии кушодаи «Барқи Тоҷик» ба истифодабарандагон интиқол дода мешавад, тасдиқ карда шаванд (замимаи 3).
4. Хадамоти зиддиинҳисории назди Ҳукумати Ҷумҳурии Тоҷикистон, дар сурати тағйир ёфтани тарифи миёнаи неруи барқ, бо қабули фармоиши дахлдор ба тарифҳои неруи барқ, ки аз рӯйи онҳо Ҷамъияти саҳомии кушодаи «Барқи Тоҷик» ва Ҷамъияти саҳомии кушодаи «Шабакаҳои интиқоли барқ» ба Ҷамъияти саҳомии кушодаи «Шабакаҳои тақсимоти барқ» хизматрасониро анҷом медиҳанд, коэффитсиенти тасҳеҳро муайян намояд.
5. Қарори Ҳукумати Ҷумҳурии Тоҷикистон аз 11 марти соли 2025, №165 «Дар бораи тарифҳои неру барқ ва гармӣ» аз эътибор соқит дониста шавад.
6. Қарори мазкур аз 1 феврали соли 2026 мавриди амал қарор дода шавад.

Раиси Ҳукумати  Ҷумҳурии Тоҷикистон

ЭМОМАЛӢ  РАҲМОН