Дирӯз, 22 январи соли 2026 бо иштироки кормандони дастгоҳи марказии Кумитаи бехатарии озуқавории назди Ҳукумати Ҷумҳурии Тоҷикистон тибқи банди 29 боби 4 Оинномаи Ҳизби Халқии Демократии Тоҷикистон ва барқияи Кумитаи иҷроияи ҲХДТ дар ноҳияи Исмоили Сомонии шаҳри Душанбе аз 5 январи соли 2026, №1 маҷлиси ҳисоботии ташкилоти ибтидоии ҳизбии “Бехатарии озуқаворӣ” баргузор гардид.Дар кори маҷлис Раҳматуллозода Мавзуна – муовини раиси Кумитаи иҷроияи ҲХДТ дар ноҳияи Исмоили Сомонӣ ва Сафарзода Шаҳноза – мудири шуъбаи кор бо занони Кумитаи иҷроияи ҲХДТ дар ноҳияи Исмоили Сомонӣ иштирок ва суханронӣ намуданд.
Дар маҷлис масъалаҳои ҳисоботи Ташкилоти ибтидоии ҳизбии “Бехатарии озуқаворӣ” оид ба ҷамъбасти натиҷаҳои фаъолият дар соли 2025 ва вазифаҳо барои фаъолияти минбаъда, омӯзиши Паёми Президенти Ҷумҳурии Тоҷикистон дар бораи самтҳои асосии сиёсати дохилӣ ва хориҷии ҷумҳурӣ, тасдиқи нақшаи фаъолияти кории Ташкилоти ибтидоии ҳизбии “Бехатарии озуқаворӣ” барои соли 2026 ва тасдиқи нақшаи чорабиниҳо бахшида ба ҷашни 35-солагии Истиқлоли давлатии Ҷумҳурии Тоҷикистон мавриди баррасӣ қарор гирифт.
Дар фарҷоми ҷаласа муовини раиси Кумита Каримзода Р. аз меҳмонон изҳори ташаккур намуда, аз кормандони Кумита ҷиҳати иҷрои саривақтии чорабиниҳои ба нақшагирифта дастуру супоришҳо доданд.
