Аз ҷумла, дар доираи амалисозии “Барномаи миллии оид ба муқовимат бо эпидемияи вируси норасоии масунияти одам ва бемории пайдошудаи норасоии масуният дар Ҷумҳурии Тоҷикистон барои солҳои 2021-2025” рӯзҳои 13-14 августи соли 2025 дар меҳмонхонаи Тоҷ-Паласи шаҳри Душанбе семинари омӯзишии дурӯза баргузор гардид.
Семинари мазкур дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва шарикони рушд баргузор карда шуд, ки дар он зиёда за 40 нафар ходимони дини ноҳияҳои Исмоили Сомонӣ ва Шоҳмансури шаҳри Душанбе ва шаҳру ноҳияҳои Турсунзода, Шаҳринав, Файзобод ва Варзоб фаро гирифта шуданд.
Инчунин дар чорабинии мазкур намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Маркази исломшиносӣ дар назди Президенти Ҷумҳурии Тоҷикистон иштирок ва суханронӣ намуданд.
Дар рафти семинар оид ба амалишавии “Барномаи миллии оид ба муқовимат бо эпидемияи вируси норасоии масунияти одам ва бемории пайдошудаи норасоии масуният дар Ҷумҳурии Тоҷикистон барои солҳои 2021-2025”, пешгирии бемориҳои сироятӣ, Стратегияи муқовимат бо экстремизм ва терроризм барои солҳои 2021-2025, Консепсияи сиёсати давлатии Ҷумҳурии Тоҷикистон дар соҳаи дин ва дигар масъалаҳо мубрами рӯз таваҷҷуҳ зоҳир карда шуд.
