Ташкилкунанда: Вазорати фарҳанги Ҷумҳурии Тоҷикистон
Мақсад ва аҳаммият
Намоишгоҳи байналмилалии «Китоби Душанбе» аз соли 2010 бо дастгирии Ҳукумати Ҷумҳурии Тоҷикистон ҳамчун анъанаи солона баргузор мегардад ва яке аз муҳимтарин рӯйдодҳои фарҳангии кишвар ба шумор меравад. Чорабинӣ ба таҳкими ҳамкориҳои фарҳангӣ ва табодули таҷрибаи ноширон, муаллифон ва муҳаққиқон мусоидат намуда, саҳми назаррас дар рушди маърифату китобхонӣ дорад.
Ифтитоҳи расмӣ
20 октябри соли 2025, соати 09:00
Осорхонаи миллии Тоҷикистон
Дар маросим Вазири фарҳанги Ҷумҳурии Тоҷикистон муҳтарам Сатториён М.А. бо суханронии ифтитоҳӣ баромад намуда, китобро “рамзи дониш, маърифат ва воситаи робитаи фарҳангии миллатҳо” номид. Ӯ таъкид кард, ки таваҷҷуҳ ба китоб нишондиҳандаи сатҳи маданияти миллат буда, Намоишгоҳ минбари муҳими муколамаи фарҳангҳо ва муаррифии дастовардҳои адабӣ мебошад.
Мавзуъ ва муҳтавои чорабинӣ
• Нақши китоб дар густариши ҳамкориҳои фарҳангӣ;
• Табодули таҷрибаи ноширон ва муаллифон;
• Муаррифии китобҳои тозанашр;
• Маҳфилҳои адабӣ ва мулоқоти эҷодӣ миёни намояндагони кишварҳои дӯст.
Иштирокчиён
Дар Намоишгоҳ ноширон ва намояндагони фарҳангии кишварҳои зерин иштирок доранд: Нашриёту матбааҳои Ҷумҳурии Тоҷикистон, Федератсияи Россия, Ҷумҳурии Халқии Чин, Ҷумҳурии Исломии Эрон, Ҷумҳурии Туркия, Ҷумҳурии Қирғизистон, Ҷумҳурии Ӯзбекистон ва Туркманистон.
Барномаи мухтасар
• 20 октябр – Ифтитоҳи расмӣ ва конфронси илмӣ-амалӣ;
• 21 октябр – Маҳфили адибони Тоҷикистону Эрон, Тоҷикистону Россия;
• 22 октябр – Боздиди иштирокчиён аз муассисаҳои фарҳангӣ ва маросими ҷамъбастӣ.
