Ҳамасола Ҳукумати Ҷумҳурии Тоҷикистон барои рушди бемайлони соҳаҳои гуногуни кишвар таваҷҷӯҳи беандоза зоир намуда, ҷиҳати амалишавии татбиқи нақшаҳои он пайваста тадбирҳои зарурӣ меандешад.
Санаи 15.04.2026 дар толори Мақомоти иҷроияи ҳокимияти давлатии ноҳияи Данғара ҷаласаи корӣ оид ба бунёди маркази агрологистикӣ баргузор гардид.
Дар кори ҷаласа роҳбарият, муҳандисон ва мутахассисони масоили иҷтимоӣ ва экологии Муассисаи давлатии “Рушди соҳибкорӣ дар соҳаи кишоварзӣ” роҳбарияти мақомоти иҷроияи ҳокимияти давлатии ноҳия, шахсони масъул, истиқоматкунандагони маҳаллаҳои гирду атрофи иншооти корӣ ва кормандони ширкати сохтмонии “Ҷинҷер Софреко” ва “БАРС Консалтинг” ки ба сохтмони маркази агрологистикӣ ҷалб гардидаанд иштирок намудан.
Сараввал чаласаро муҳтарам Сиҷоуддин Саломзода, раиси ноҳия ифтитоҳ намуда, аз раванди корҳои созандагиву ободонӣ ва сулҳу суботи кишвари биҳиштосо суханронӣ намуд.
Сипас муовини директори Муассисаи давлатии “Рушди соҳибкорӣ дар соҳаи кишоварзӣ” муҳтарам Қурбонзода Боймурод оид ба дастгириҳои пайвастаи Ҳукумати Ҷумҳурии Тоҷикистон дар самти рушди соҳаи кишоварзӣ, таъмин намудани аҳолӣ бо ҷойҳои кори доимӣ, манфиати марказҳои агрологистикӣ ба аҳолӣ ва таъмини бозорҳои дохилӣ бо маҳсулоти тару тозаи кишоварзӣ суханронӣ намуданд.
Дар рафти ҷаласа муҳандисони ширкати мазкур ҷиҳати амалисозии лоиҳаи бунёди маркази агрологистикӣ тавассути рунамо баромадҳои пурмуҳтаво намуда, нақшаҳои кории худро пешкаши ҳозирин намуданд.
Дар фарҷоми ҷаласа ҷиҳати иҷрои саривақтии нақшаҳои дарпешистода раиси ноҳия ба масъулин дастуру супоришҳои мушаххас доданд.
Ниммаи дуюми рӯз мутахассисони соҳа оид ба сафарбаркунии корҳо ва марҳилаи баҳодиҳии таҳлили техникии иқтисодӣ аз мавзеи иншооти мазкур дидан намуданд.
