Конференсияи илмӣ-назариявӣ, ки таҳти унвони “Садоқат ба Президент-садоқат ба Ватан” дар “Кохи афсарон”-и Вазорати мудофиа ташкилу ба роҳ монда шуд, он бо садо додани Суруди миллӣ аз ҷониби иштирокчиён оғоз гардид.Дар конференсия намояндаи Суди конститутсионии Ҷумҳурии Тоҷикистон, Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Академияи идоракунии назди Президенти Ҷумҳурии Тоҷикистон дар назди афсарону сарбозон, курсантони Донишкадаи ҳарбӣ ва тарбиятгирандагони Литсейи ҳарбии Вазорати мудофиа бо маърӯзаҳои пурмӯҳтаво баромад карданд.Вобаста ба мавзӯи конференсияи мазкур таъкид карда шуд, ки имрӯз ҳар як фарди худогоҳу хештаншиноси ҷомеа, алахусус хизматчиёни ҳарбии Қувваҳои Мусаллаҳи мамлакат бо садоқат ба Президент ва халқи Тоҷикистон вазифаву уҳдадориҳои пурмасъули худро сарбаландона иҷро намуда, дар таъмини амнияти давлату миллат, таҳкими Истиқлолият ва ҳифзи марзу буми Ватан саҳми арзанда мегузоранд, ки он албатта шоёни таҳсину офарин аст. Ҳамин самимияту сарсупурдагӣ ба халқу Ватан ва садоқат ба Пешвои миллат аст, ки имрӯз дар Тоҷикистони азиз сулҳу субот пойдор ва мардум зиндагии шоиставу босаодат доранд.Дар ҷараёни кори конференсия доир ба нақши Пешвои миллат дар тарбияи ҷавонон намояндаи Кумитаи кор бо ҷавонон ва варзиши навзди Ҳукумати Ҷумҳурии Тоҷикистон таъкид кард, ки ҷавонон яке аз қувваи асосии пешбарандаи сиёсати давлат ва Ҳукумати Ҷумҳурии Тоҷикистон ба ҳисоб рафта, дар пешрафти ҳама соҳаҳои ҷомеа, пеш аз ҳама ҳифзу ҳимояи марзу буми Ватанамон саҳмгузор ҳастанд. Бо ин мақсад Ҳукумати мамлакат масъалаҳоеро, ки ба сиёсати давлатии ҷавонон алоқаманд мебошад, аз рӯзҳои аввали соҳибистиқлолии мамлакат дар маркази диққати худ қарор дода, то ба имрӯз барои амалигардонӣ ва дастгирии ташаббусҳои созандаи ҷавонони соҳибмалака дар кишвар тамоми тадбирҳои лозимаро роҳандозӣ карда истодаанд.
