Санаи 04.09.2026 бо мақсади сазовор таҷлил аз ҷашни бузурги миллӣ 35-умин солгарди Истиқлоли давлатӣ бо ташаббуси Мақомоти иҷроияи ҳокимияти давлатии ноҳияи Исмоили Сомонӣ дар Муассисаи давлатии "Боғи фарҳангӣ-фароғатии ба номи Садриддин Айнӣ"…
Санаи 04.09.2026 бо мақсади сазовор таҷлил аз ҷашни бузурги миллӣ 35-умин солгарди Истиқлоли давлатӣ бо ташаббуси Мақомоти иҷроияи ҳокимияти давлатии ноҳияи Исмоили Сомонӣ дар Муассисаи давлатии "Боғи фарҳангӣ-фароғатии ба номи Садриддин Айнӣ" чорабинии бошукӯҳи фарҳангию фароғатӣ доир карда шуд.
Дар доираи баргузории чорабинӣ меҳмонон ва сокинон шурӯъ аз даромадгоҳи боғ то Амфитеатр дар роҳрав аз намоишгоҳи ҳунарҳои мардумӣ, дастовардҳои соҳаҳои маорифу тандурустӣ, иқтисоду савдо, ободонию кабудизоркунӣ, ҷавонону варзиш, сохтмон ва саноат дар зарфи 35 соли соҳибистиқлолӣ дидан намуда, ба Амфитеатр ташриф оварданд.
Дар идома, нахуст Раиси Кумитаи кор бо занон ва оилаи назди Ҳукумати Ҷумҳурии Тоҷикистон Файзиддинзода Бунафша, муовини Раиси шаҳри Душанбе Раҳимзода Толиб Карим ва Раиси ноҳия муҳтарам Қодирзода Руслан Раҷаб баромад намуда, кулли сокинонро ба 35-умин солгарди Истиқлоли давлатӣ табрик намуданд.
Дар фазои идона бо Фармони Президенти Ҷумҳурии Тоҷикистон муҳтарам Эмомалӣ Раҳмон Раиси ноҳияи Исмоили Сомонӣ бо мукофоти давлатӣ, медали ҷашнии 35-солагии Истиқлоли давлатӣ сарфароз гардонида шуда, баъдан роҳбарияти ноҳия ва дигар сохторҳои дахлдор бо сипосномаи мақомоти иҷроияи ҳокимияти давлатии ноҳияи Исмоили Сомонӣ қадрдонӣ гардиданд.
Инчунин, дар рафти чорабинӣ ҳунармандони шинохтаи ҷумҳурӣ, бо суруду таронаҳои ватандӯстона ва тарранумгари зебоиҳои диёр, барномаи рангини фарҳангиро ҳусни идона бахшиданд.
