Имрӯз суҳбати телефонии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо Президенти Ҷумҳурии Узбекистон муҳтарам Шавкат Мирзиёев баргузор гардид.
Дар оғози суҳбат Президенти Узбекистон Сарвари давлати моро нахустин шуда, занг заданд, ба муносибати Зодрӯзашон самимона табрику таҳният гуфта, ба Пешвои миллат сиҳатмандии комилу дар фаъолияти давлатиашон комёбиҳои навин орзу намуданд.
Дар идомаи суҳбат Сарони ду кишвар ҳолат ва дурнамои муносибатҳои дӯстона ва ҳамсоягии нек дар доираи шарикии стратегӣ ва ҳампаймонии Тоҷикистону Узбекистонро баррасӣ карда, аз идомаи талошҳои муштарак ҷиҳати тавсеаи минбаъдаи ҳамкориҳои судманди Тоҷикистону Узбекистон ҷонибдорӣ намуданд.
Зимни суҳбат ҳамзамон оид ба масъалаҳои дигари мавриди таваҷҷуҳи тарафайн мубодилаи афкор сурат гирифт.
