Дар Агентии омори назди Президенти Ҷумҳурии Тоҷикистон ба муносибати 35-солагии Истиқлоли давлатии Ҷумҳурии Тоҷикистон ҳамоиши тантанавӣ баргузор гардид.
Дар он роҳбарияти Агентӣ, кормандони Дастгоҳи марказӣ ва мақомоти омори маҳаллӣ иштирок намуда, аз Истиқлоли давлатӣ ҳамчун дастоварди бузурги таърихӣ ва заминаи асосии таҳкими давлатдорӣ, сулҳу субот, ваҳдати миллӣ ва рушди устувори кишвар ёд карданд.
Директори Агентии омори назди Президенти Ҷумҳурии Тоҷикистон ҳозиринро ба муносибати 35-солагии Истиқлоли давлатӣ табрик намуда, нақши истиқлолро дар эҳёи давлатдории миллӣ ва рушди иқтисодию иҷтимоии кишвар муҳим арзёбӣ кард. Дар суханронӣ дастовардҳои Тоҷикистон дар даврони соҳибистиқлолӣ, аз ҷумла рушди иқтисоди миллӣ, афзоиши Маҷмӯи маҳсулоти дохилӣ, рушди соҳаҳои саноат ва кишоварзӣ, инчунин беҳтар гардидани нишондиҳандаҳои иҷтимоӣ бо такя ба маълумоти оморӣ мавриди таваҷҷуҳ қарор гирифтанд.
Таъкид гардид, ки омори расмӣ дар шароити рушди устувори мамлакат аҳамияти хос дошта, маълумоти дақиқу боэътимод ҳамчун заминаи таҳияи сиёсати давлатӣ, арзёбии натиҷаҳои ислоҳот ва қабули қарорҳои дуруст хизмат мекунад. Дар ин раванд, рушди омори рақамӣ, такмили инфрасохтори иттилоотӣ, истифодаи технологияҳои муосир ва баланд бардоштани иқтидори касбии кормандон аз самтҳои муҳими фаъолияти мақомоти омор арзёбӣ шуданд.
Дар идомаи ҳамоиш муовини якуми Директори Агентии омори назди Президенти Ҷумҳурии Тоҷикистон Асо Нурулло Асват баромад намуда, ҳозиринро ба муносибати ҷашни 35-солагии Истиқлоли давлатӣ табрик гуфт. Ӯ Истиқлолро барои мардуми Тоҷикистон неъмати бузург ва пояи устувори давлатдории миллӣ арзёбӣ карда, таъкид намуд, ки фазои сулҳу субот ва ваҳдати миллӣ барои рушди тамоми соҳаҳои ҳаёти ҷомеа имкониятҳои васеъ фароҳам овардааст.
Асо Нурулло ҳамчунин ба нақши кормандони мақомоти омор дар таъмини шаффофият, дақиқӣ ва эътимоднокии маълумоти расмӣ таваҷҷуҳ намуда, масъулияти кормандонро дар шароити марҳилаи нави рушди иқтисодию иҷтимоии кишвар муҳим арзёбӣ кард. Ӯ изҳори итминон намуд, ки кормандони соҳа минбаъд низ бо ҳисси баланди масъулияти давлатӣ ва садоқат ба Ватан дар рушди низоми омори миллӣ саҳми арзандаи худро мегузоранд.
Сипас, кормандони Агентии омор вобаста ба аҳамияти Истиқлоли давлатӣ, дастовардҳои 35 соли соҳибистиқлолӣ ва нақши он дар таҳкими давлатдории миллӣ андешаҳои худро баён намуданд.
Дар идомаи чорабинӣ навори видеоӣ оид ба дастовардҳои даврони соҳибистиқлолӣ ва раванди созандагиву бунёдкорӣ дар Тоҷикистони азиз намоиш дода шуд.
Ҳамзамон, муовинони директор ва як қатор кормандони Агентии омори назди Президенти Ҷумҳурии Тоҷикистон барои фаъолияти самаранок, меҳнати софдилона, масъулияти баланди касбӣ ва саҳми арзанда дар рушди соҳаи омори давлатӣ Ифтихорномаву Сипоснома
