Дар доираи сафари корӣ мулоқоти Раиси Маҷлиси намояндагони Мачлиси Олии Ҷумҳурии Тоҷикистон Ф. Идизода бо Раиси Агентии рушди сармоягузории Шоҳигарии Арабистони Саудӣ Холид Ал-Хаттоф баргузор гардид.
Зимни мулоқот ҷонибҳо вазъи кунунӣ ва дурнамои рушди ҳамкориҳои дуҷонибаро дар самти сармоягузорӣ, мавриди баррасӣ қарор дода, ба густариши робитаҳои иқтисодию тиҷоратӣ ва татбиқи лоиҳаҳои муштарак таваҷҷуҳи хос зоҳир намуданд.
Раиси Маҷлиси намояндагон аз иқтидори мавҷудаи иқтисодии Ҷумҳурии Точикистон, фазои мусоиди сармоягузорӣ ва ислоҳоти анҷомдодаи Ҳукумати Тоҷикистон дар самти сармоягузорӣ ёдовар шуда, изҳор дошт, ки таҳкими ҳамкориҳо бо Шоҳигарии Арабистони Саудӣ ба манфиати ҳар ду кишвар мебошад.
Мо ҷонибдории худро ҷиҳати пешрафти муносибатҳои сармоягузорӣ байни кишварҳоямон изҳор намуда, табодули таҷриба, ташкили муколамаи доимӣ, анҷом додани сафарҳо фаъол намудани гурўҳҳои дўстӣ ва ҳамкории байнипарламентӣ, иштирок дар чорабиниҳои тарафҳоро дар ин самт зарур меҳисобем, - гуфт дар охир Ф. Идизода.
