Имрӯз, 5 -уми октябри соли 2026, дар Муассисаи давлатии «Китобхонаи миллӣ»-и Дастгоҳи иҷроияи Президенти Ҷумҳурии Тоҷикистон даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид.
Озмуни мазкур ба ифтихори 35-солагии Истиқлолияти давлатии Ҷумҳурии Тоҷикистон бахшида шуда, ҳадаф аз он ҷалби бештари наврасону ҷавонон ба мутолиаи китоб, баланд бардоштани сатҳи маърифат ва ҷаҳонбинии онҳо, таҳкими худшиносиву худогоҳии миллӣ ва омӯзиши осори Президенти Ҷумҳурии Тоҷикистон муҳтарам Эмомалӣ Раҳмон мебошад.
Маросими ботантанаи оғози Озмун бо иштироки роҳбарияти Китобхонаи миллӣ, Ҳайати комиссия, роҳбарону намояндагони намояндагони муассисаҳои таълимӣ ва довталабоне, ки аз даври аввал роҳхат ба даст овардаанд, баргузор гардид.
Дар оғози маросими ифтитоҳ Раиси Комиссияи Озмуни ҷумҳуриявии «Донандаи беҳтарини асарҳои Пешвои миллат» – мудири бахши маориф ва илми раёсати маориф, фарҳанг ва иттилооти Дастгоҳи иҷроияи Президенти Ҷумҳурии Тоҷикистон, профессор Сайдулло Қувватзода ва котиби Комиссияи Озмун директори Муассисаи давлатии “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон Лутфия Абдулхолиқзода суханронӣ намуданд.
Директори Китобхонаи миллӣ иброз дошт, ки Озмуни ҷумҳуриявии “Донандаи беҳтарини асарҳои Пешвои миллат” дар доираи Ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаю ҳунарҳои мардумӣ дар Ҷумҳурии Тоҷикистон барои соли 2026 ва ба ифтихори 35 солагии Истиқлолияти давлатии Ҷумҳурии Тоҷикистон баргузор мегардад.
Китобхонаи миллӣ ҳумчун сарпарасти асосии Озмун тамоми зарфиятҳои худро равона кардааст, то даври ниҳоии Озмун дар шакли хубу шоиста ва ҷавобгӯ ба моҳияти он баргузор шавад.
Лутфия Абдулхолиқзода дар бахши дигар аз суханронии худ ба ҳамкорон дар баргузории Озмун ишора кард ва дар муроҷиат ба довталабон фармуд: Китобхонаи миллӣ дар ҳамкории хубу шоиста бо вазоратҳои маориф ва илм, Академияи миллии илмҳои Тоҷикистон, Кумитаи ҷавонон ва варзиш, телевизион ва радио, таҳсилоти ибтидоӣ ва миёнаи касбӣ ва дигар донишгоҳу донишкадаҳо тули 9 моҳ ҳамкорӣ намуданд то барои шумо – довталабони азиз як фазои бози рақобати солиму зеҳнӣ фароҳам шавад ва шумо тавонед донишҳои худро дар назди ҳакамон босалоҳият муаррифӣ намоед. Имсол, ки соли сеюми баргузории Озмун аст, мо талош намудем, ки
Профессор Лутфия Абдулхолиқзода аз чигунагии ҳайати ҳакамони озмун сухан ронд ва иброз дошт, ки дар ҳайати ҳакамони озмун низ таҷдиди назар сурат гирифта, он муҳаққиқону донишмандоне ба кори пурмасъул ҷалб шудаанд, ки фаъолият ва осори Пешвои муаззами миллатро ҳам аз ҷиҳати илмӣ ва ҳам аз ҷиҳати амалӣ таҳқиқ кардаанд. Ба сифати раиси ҳакамони Озмун ду нафар донишмандони саршиноси кишвар, академик Носирҷон Салимӣ ва узви вобастаи Академияи миллии илмҳои Тоҷикистон Муҳаммад Абдураҳмон интихоб карда шудаанд. Ҳамзамон, ба сифати аъзои ҳакамон доктори илмҳои таърих Зафар Саидзода низ, ки солиёни дароз дар паҳлуи Пешвои миллат кор кардаанд интихоб гардиданд.
Боиси хушнудист, ки ифтитоҳи Озмуни ҷумҳуриявии “Донандаи беҳтарини асарҳои Пешвои миллат” ба Рӯзи забони давлатии Ҷумҳурии Тоҷикистон ва зодрӯзи мубораки Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон рост омадааст. Ин рӯзи накӯ далолат бар он аст, ки Пешвои миллати тоҷик барои ҳифзи забону фарҳанг ва тамаддуни миллати тоҷик заҳмати мондагор кашида, бузуртарин хидматро дар роҳи истеҳкоми пояҳои забони тоҷикӣ гузоштаанд.
Дар расми ифтитоҳи Озмун ҳамчунин Раиси Комиссияи Озмуни ҷумҳуриявии «Донандаи беҳтарини асарҳои Пешвои миллат» – мудири бахши маориф ва илми раёсати маориф, фарҳанг ва иттилооти Дастгоҳи иҷроияи Президенти Ҷумҳурии Тоҷикистон, профессор Сайдулло Қувватзода, муовини якуми вазири маориф ва илми Ҷумҳурии Тоҷикистон Ҳомидхон Ҳошимзода, муовини Раиси Кумита оид ба таҳсилоти ибтидоӣ ва миёнаи касбӣ Ализода Алишер суханронӣ карданд.
Зикр гардид, ки соли сеюм аст, ки ин Озмун бо мақсади арҷгузорӣ ба таърихи пурифтихори миллати тоҷик, омўзиши амиқу ҳамаҷонибаи корнамоиҳои наҷиб ва фаъолияти шоистаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи наҷоти давлат, таҳкими Ваҳдати миллӣ, эъмори модели нави давлати демократӣ, ҳуқуқбунёд, дунявӣ ва ягонаи Тоҷикистон дар шароити нави таърихӣ ва ба ин васила дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, ифтихори миллӣ, тақвияти қобилияти кордониву роҳбарӣ, омўзиши ҳамаҷонибаи Мактаби давлатдории Пешвои миллат миёни қишри ҷавони аҳолии кишвар, бахусус донишҷўёни муассисаҳои таҳсилоти миёна ва олии касбӣ доир мегардад.
Озмун дар роҳи рўй овардан ба ҳувияти миллӣ, зиракии сиёсӣ, худшиносию меҳанпарастӣ ва дар маҷмуъ эҳтирому шукргузорӣ аз истиқлоли сиёсӣ ва ба ин васила ҷалби ҷавонон ба осори пурғановати Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва саҳми назарраси ин шахсияти шинохтаи сатҳи ҷаҳонӣ дар бунёди давлати навини тоҷикон, пайгирии сиёсати хирадмандона ва ташаббусҳои аз ҷониби ҷомеаи ҷаҳонӣ эътирофшудаи ў, ваҳдатофаринӣ, инсондўстӣ ва дигар паҳлуҳои шоистаи фаъолияти роҳбарии ў дар самти якпорчагии Тоҷикистон дар даврони соҳибистиқлолии кишвар нақши созгор хоҳад дошт.
Ҳамчунони Директори Китобхонаи миллӣ иброз дошт, сарпарасти Озмун Муассисаи давлатии «Китобхонаи миллӣ» – и Дастгоҳи иҷроияи Президенти Ҷумҳурии Тоҷикистон буда, масъулони баргузории он Китобхонаи миллӣ, вазоратҳои маориф ва илм, фарҳанг, кумитаҳои таҳсилоти ибтидоӣ ва миёнаи касбӣ, телевизион ва радио, кор бо ҷавонон ва варзиш, Академияи миллии илмҳо, Иттифоқи нависандагони Тоҷикистон ва Академияи идоракунии давлатии назди Президенти Ҷумҳурии Тоҷикистон мебошанд.
Ҳамзамон Вазоратҳои маориф ва илм, фарҳанг, кумитаҳои таҳсилоти ибтидоӣ ва миёнаи касбӣ, телевизион ва радио, кор бо ҷавонон ва варзиш, Академияи миллии илмҳо ва Иттифоқи нависандагони Тоҷикистон дар тарғибу ҷалби иштирокчиён ва ҷараёни баргузории Озмун иштирок мекунанд.
Барои ширкат дар Озмун беш аз 2194 нафар донишҷӯ иштирок намуд. То имрӯз ба Китобхонаи миллӣ аз 35 муассисаҳои таҳсилоти олии кишвар 96 нафар ва аз 62 муасссисаи таҳсилоти миёнаи касбӣ касбӣ 131 нафар, дар маҷмуъ 227 нафар довталабони даври ниҳоӣ номнавис шудаанд.
Маврид ба ёдоварист, ки даври ниҳоии Озмуни ҷумҳуриявии «Донандаи беҳтарини асарҳои Пешвои миллат» аз 5 то 12 октябри соли ҷорӣ дар Китобхонаи миллии Тоҷикистон баргузор мешавад.
