14-уми майи соли 2025, Душанбе. – Вазири энергетика ва захираҳои оби Ҷумҳурии Тоҷикистон Далер Ҷумъа сафири фавқулода ва мухтори Ҷопон дар Ҷумҳурии Тоҷикистон хонум Кейко Фурутаро ба ҳузур пазируфт.
Зимни мулоқот ҷонибҳо ҳамкориҳои дуҷонибаро дар бахши энергетика ва захираҳои об мавриди баррасӣ қарор доданд.
Вазири энергетика ва захираҳои об изҳор дошт, ки Ҳукумати Ҷумҳурии Тоҷикистон ба густариши муносибатҳои шарикӣ бо Ҷопон дар самтҳои мухталиф, аз ҷумла дар соҳаи энергетика аҳамияти хос зоҳир менамояд.
Сафири Ҷопон хонум Кейко Фурута аз сатҳи ҳамкориҳои дуҷониба изҳори қаноатмандӣ намуда, омодагии кишварашро барои рушд ва густариши робитаҳо дар самти таъмини рушди устувори энергетикӣ иброз дошт.
Ҷонибҳо омодагии худро ҷиҳати таҳкими минбаъдаи равобит, табодули таҷриба ва ҷалби сармоя ба самтҳои афзалиятноки соҳаи энергетика таъкид карданд.
